සිංහල භාෂාව

අද මා මදක් වේලාසනින් නිවසට පැමිණි යෙමි. කිළිටි වූ රෙදි සේදීමට රෙදි සෝදන යන්ත්‍රයට භාර දුනිමි.

ඉන්පසු තේ කෝප්පයකින් විඩාව නිවා ගත් මා 'සිංහල සහ පරිගනකය' පිලිබඳ ව අන්තර්ජාල යේ සඳහන් කරුනු ගවේශනය කිරීමට සැරසුනෙමි.

එහිදී මට ඉතා වටිනා සබැඳුම ක් සොයා ගන්නට ලැබුනි. එය නම්,

http://www.ucsc.cmb.ac.lk/ltrl/services/feconverter/t2.html

මෙය කොලඹ විශ්ව විද්‍යාලය මගින් නඩත්තු කෙරේ. මෙහි ඇති වටිනාකම වන්නේ සිංහල යතුරු පුවරුව දැන ගැනීමේ අවශ්‍යතාවයක් නොමැති වීමයි. සිංහල ශබ්දයට අනුරූපව ඉංග්‍රීසි අකුරු භාවිතයෙන් අවශ්‍ය සිංහල අකුරු අමුනා ගත හැක. මෙම බ්ලොග් සටහන එම මෙවලම භාවිතයෙන් සකසා ගන්න ලදී. මෙය ඉතා කදිම මෙවලමකි. ඉතා පහසුවෙන් අකුරු අමුනා ගත හැක.

සිංහල මෘදුකාංග සඳහා අවශ්‍ය කරන වචන මාලාවක් පහත අන්තර්ජාල පිටුවේ ඇත.

http://wiki.mrt.ac.lk/sinhala/index.php?title=Main_Page

මෙය මොරටුව විශ්ව විද්‍යාලය මගින් නඩත්තු කෙරේ.

පරිගනකය ට සිංහල හඳුන්වාදීමේ විශාල වගකීමක් අප විශ්ව විද්‍යාල වෙත පැවරේ. මා එසේ පවසනුයේ රටක දියුණුවේ ප්‍රභවය වන්නේ විශ්ව විද්‍යාලයීය ප්‍රජාව වන හෙයිනි.

නෙදර්ලන්තය, වපසරිය අතින් ශ්‍රී ලංකාවට ඉතා සමාන වේ. එහෙත් ජනගහනය ශ්‍රී ලංකාවට වඩා අඩු අගයක් ගනියි. එහෙත් සෑම ආනයනික භාණ්ඩයකම ඕලන්ද භාෂාවෙන් සලකුණු කිරීම් සහ උපදෙස් මුද්‍රණය කර ඇත. මොවුන් තමන්ගේ භාෂාවට නිසි වටිනාකම දී ඇත.

පසුගිය දිනෙක කාර්යාලයේ මාසික හමුව තිබින. ඔවුන් අප සිටිය ද, එම මාසික හමුව පැවැත්වූයේ ඔවුන්ගෙ බසිනි. මෙය සිංහල අපට අගනා පාඩමකි.

ස්ථාන මාරුවක් ලබා කොලඹින් නෙදර්ලන්තය ට පැමිණෙන වෘත්තිකයන් හට ඕලන්ද භාෂාව ඉගෙන ගත යුතුය. ඒ සඳහා වන විය පැහැදම් කාර්යාලයෙන් දරයි.

අවසන් වශයෙන්,
රටේ දියුණුවත් සමග භාෂාවක උන්නතිය -> නෙදර්ලන්තය
රටේ දියුණුවත් සමග භාෂාවක පරිහානිය -> ශ්‍රී ලංකාව
බව මට පසක් විය!